توزيع الوردة الصفرا

من السنة الماضية ورح نحاول كل سنة، بيوم 21 آب نكمل بطقس سنوي رح نوزع فيه وردة صفرا بكل مكان متواجدين فيه نحن السوريين مع ورقة بتحكي عن مجازر الكيماوي.

بيوم ٢١ آب ٢٠١٣ ارتكب النظام السوري جريمة الكيماوي الكبرى ، وخسرنا أكتر من ألف انسان سوري. 

كتيرين خسروا أحبابهن وأصدقائهن وعوائلهم، شفنا صور وفيديوهات لأشخاص من كل الأعمار توفوا، عدد كبير منهن اختنق بنومه. 

تخليداً لذكرى ضحايا جريمة الكيماوي ولنأكد على انو هالجريمة مارح تنتسى وانو رح نبقى مصرين لتحقيق العدالة ومحاسبة المجرمين. منرجع هي السنة منطلب منكن تقوموا بتنظيم مجموعات توزيع للوردة الصفرا هالسنة وكل سنة بأماكن إقامتكن: 

تصميم الوردة اللي ممكن تنطبع على مغناطيس أو زر موجودة ومترجمة لعدد من اللغات بهاد الرابط: 

https://drive.google.com/.../159wfxU84ZT-qu...

..

ممكن يكون التوزيع بجامعاتنا أو المولات أو محطات الميترو وأي مكان تاني منقدر نعمل هالشي فيه.ببلدان إقامتنا

صوتنا كرامتنا اللي كل بروبغندا الروس والنظام ما حتقدر تخنقها. 

#لا_تخنقوا_الحقيقة

#donotsuffocatetruth