ذكرى المجزرتين

بهاد الشهر _نيسان_ بتمر ذكرى مجزرتين كيماويتن ارتكبهم النظام بحق المدنيين السوريين، وحدة بخان شيخون كانت بـ 4 نيسان 2017 راح فيها أكتر من 90 شهيد، والتانية بـ 7 نيسان 2018 بدوما راح فيها 40 شهيد.

وبهاد الشهر كمان وبالفترة بين 20 و 22 رح يصير مؤتمر للدول الأطراف بمنظمة حظر الأسلحة الكيماوية.

وكسوريات وسوريين ما بدهن/م ذكرى المجازر الكيماوي وذكرى ضحاياها تموت، وكشي من احياء الذكرى وللتعبير عن مطالبنا بتفعيل العدالة بوجه المجرمين. رح نعمل عدة وقفات بالداخل السوري وبعدد من العواصم العالمية قدام السفارات الروسية، لإن روسيا هية أكبر شريك للنظام السوري بمجازرو بحق السوريين، ولدورها الأساسي بطمس معالم الحقيقة وانكار المجازر الكيماوية وهلي ما امتنعت عن استخدام كل أساليب الضغط والترهيب والكذب والتضليل.

ولإننا منؤمن بفاعلية العمل السوري المشترك، عمنوجه دعوات لكل السوريات والسوريين وين ما كانوا ليشاركوا بشكل عملي بإحياء الذكرى بخطوات هية: 

- شكّلوا مجموعة صغيرة من المناصرين للقضية السورية، يعني إذا ما كان عندكم مجموعة تنسيق مسبقاً 

- اشتروا كلمة TRUTH من أحرف الفلين، أو ساووها بأنفسكم. بتحسنوا تبحثوا عن FOAM LETTERS لتلاقوا أماكن الشراء القريبة منكم. 

- اطبعوا وإلصقوا التصاميم يلي تحت على أحرف المجسم الذي لديكم، تحتوي التصاميم على بعض أسماء الشهداء الموثقين بالضربتين وشعارات للذكرى. ( التصاميم في رابط في التعليق الأول) 

- أمام السفارة الروسية، أو أي معلم تاني بمدينتكم اذا ما عندكم سفارة، قوموا بوقفة صغيرة مع المجسم وطباعة المنشور التوضيحي (التصميم للمنشور بالعربية والانكليزية في التعليق الأول، تستطيعون ترجمته للغة مكان إقامتكم إذا أردتم)

- بتحسنوا تحملوا الورود الصفراء أو الشموع، إذا برأيكم هاد ممكن يساعد بلفت النظر لوقفتكم 

- الرجاء الالتزام بالتباعد الاجتماعي وارتداء القناع وأساليب الوقاية من كورونا

- الرجاء أخذ صورة ومراسلتنا بها على الصفحة أو على موقع الحملة [email protected] 

ساعدونا كمان بنشر هاد النداء مع استعمال الهاشتاغ #donotsuffocatetruth

 

 

لينك : التصاميم المتعلقة بالحملة:

https://drive.google.com/.../1--Db1...