رح نبدأ هالسنة بيوم 21 آب طقس سنوي نوزع فيه وردة صفرا بكل مكان متواجدين فيه نحن السوريين مع ورقة بتحكي عن مجازر الكيماوي. قبل سبع سنين وتحديداً بيوم ٢١ آب ٢٠١٣ صحينا على خبر جريمة الكيماوي الكبرى ، وكانت صدمة كبيرة النا كسوريين وجرح عميق ما بينتسى! كتيرين خسروا أحبابهن وأصدقائهن وعوائلهم، شفنا صور وفيديوهات لأشخاص من كل الأعمار توفوا وهنن عم يحلموا ببكرا أحلى. تخليداً لذكرى ضحايا جريمة الكيماوي ولنأكد على انو هالجريمة مارح تنتسى وانو رح نبقى مصرين لتحقيق العدالة ومحاسبة المجرمين. منطلب منكن تقوموا بطباعة هالوردة الصفرا الموجودة بهالتصميم: https://drive.google.com/.../1xM0YErJ8KiXAluBZz5mt5fkG... بلغة البلد اللي انتو فيها وتوزعوها مع الورقة المرفقة بهالتصميم: https://drive.google.com/.../1J4wO4xqNhC0DZGX06mFgTTeJSdU... ممكن يكون التوزيع بجامعاتنا أو المولات أو محطات الميترو وأي مكان تاني منقدر نعمل هالشي فيه.ببلدان إقامتنا بالختام منتمنى الالتزام بتوزيع الدبابيس pin مع الحفاظ على شروط المسافة الاجتماعية ولبس الكمامات ووضع الدبابيس بأكياس صغيرة، لسلامتكم وسلامة الجميع. #لا_تخنقوا_الحقيقة #donotsuffocatetruth